台北4天遊(21/7~24/7)

1st day
去到台灣先發覺,原來我地o個團得12人,坐既係van仔,不過少人都唔錯~~首先係去九份,導遊小姐帶我地行左一半,介紹左d好食既特產之後,就到我地食街喇~~一路行一路食,有燒菇,燒螺,大大粒魚丸,牛肉面,果凍等等,全部都好好味~~又買左好多手信,大收穫!!!跟住番去間山卡啦酒店,原來間野大有名堂,12歲以下唔俾住架~~間room超大,又有私人溫泉,so perfect!!!跟住仲月2個香熏講座,先做個占卜,抽3枝香熏油,我抽到花朵類,葉片類同草藥類,佢解話係愛漂亮,有獨立思想同愛照顧別人喎~~仲可以自己配枝香熏油tim,我配左枝花朵類+幸福路7號(花幸7),relax用的~~間酒店竟然有日本tv睇~~超好!!dinner係法國餐,yummy~~跟住浸左陣溫泉,睇左套碟,最後就o係張好靚既床上面訓lu~~
今日一語--qq=有口感,脆=爽口
2nd day
今朝臨走前浸多次溫泉,正!!!首先去左故宮,冇北京咁大咁堂皇,不過有冷氣~~跟住去食農家菜,飲左d好甘既茶.......then去中正紀念館,睇左d士兵換班既步操,真係睇見都支力都熱呀~~去左個珍珠工場,差d俾d珍珠末哽死.......咳到我死......去到士林,飲左杯珍珠奶茶就飽死喇........at last,番到君悅lu~~個泳池幾好游~~太耐冇運動,唔夠氣.....要鍛鍊鍛鍊喇~~
3rd day
今日係自由時間,搭捷運(MTR)去左西門町先,有dd失望,仲以為好好行架tim,其實同MK差唔多,食左個咩豆花豆爽冰,真係好冰呀,我細佬仲要左個霸王冰,睇到都冰死......跟住番番去酒店隔離既101大樓同new york new york度行,好似海港城咁,好多名牌~~間page one仲好大,見到本Harry Potter 6平好多呀衰....dinner就o係君悅度食buffet,朱古力mose好好味呀!!!食完飯就去左24小時開放既誠品書店,好大呀,買左3本書~~終於俾我搵到本"The Chronicles of Narnia-The Lion, The Witch And The Wardrobe"既中文版喇!!!仲買左"殺死99隻貓的少女"同"魔幻城堡",同紫米的"從絲路盡頭,開始",阿爸買左"在天堂上遇見的五個人",大豐收!!!再次發現本仲平d既HP6.....頂.....
4th day
last day lu~~終於要早起身喇,6點幾morning call......先去忠烈祠睇換兵again,都係o個d野,哂死.....
跟住去左間sell靈芝既店,瘋狂的團友們,包括我阿媽,買左幾盒靈芝茶.....又係大豐收.....lunch係鼎鼎大名既鼎泰豐度食,果然名不虛傳~~好吃好吃~~最後一站竟然係去風水舖,位黃師傅話改名最好係9劃,4劃同13劃喎,最唔好係16劃or零字尾既劃數,會有凶險喎~~跟住俾時間我地算下,位館長師傅話阿石中泉先生個名改得好好喎,會係個大老闆,佢就話我有d固執喎........再問埋我既八字,得出以下既結果:
"....你俾人既印象係好溫和,斯文,忌晚上o係戶外過生日,健康上會有腸胃不適,呼吸系統上既毛病(....我算係全家最健康o個位,而且我冇乜唔妥,我細佬就有鼻敏感.....),阿爸阿媽好錫你,第時會有仔有女,但係同你d仔女冇咩緣喎......呀唔係,睇錯左,都幾有緣(?!),不過冇乜財運(...唔係卦)...."差唔多d咁既野.....覺得好笑law.....佢講咁耐都係想我地買野姐.....其實我唔係好聽得明佢d廣東話.....番到香港,居然見到林子祥同葉倩文~~哈~~哎呀!!柴米竟然買左o個本書喇.....=.=多左tim....