＊雞皮生日快樂呀:)
去左雞小姐的家~~拆禮物最期待就係德哥o個份,大家都估唔係文具套裝就係朱古力,估唔到竟然係........UNO!!!!!!正正係我地o係長洲玩o個款,好野!!!!!miu整既餅乾仲好食過個蛋糕~~跟住落去請個管理員幫我地影相,佢既一句令我地笑到震哂..........
今日終於覺得我間房真係好鬼整齊~~

長洲3日2夜

---We are far-sighted professionals!!!!!!
geog field camp 團友們 ----
---102室的roommates:)

終於去長洲探險lu~~

1st day: 今朝一早到火車站,大家個袋都幾大下,especially紫米個旅行袋....到左長洲,行左崎嶇既山路先到營地,間房都幾,我訓最近門既床~~then要行一大段路去間郊野學園度上堂,第一個活動係field study in woodland---係個woodland入面左度右度,仲要執d枯葉番去做experiment~~終於到食飯時間lu~~d野食都ok,係d飯比較硬....個個都幾大食下.....跟住番lab做野lu~~好耐都未玩過喇,好似番番f3咁~~幾好玩,唔知點解我地d枯葉咁少昆蟲架呢....之後又回到geog,做SQ既discussion,好眼訓.....由於冇乜貢獻,所以同雞皮落去買野食,見到d長洲黨青年.....食完飯之後到觀星喇~~呀magazine係咁搞爛gag,又要predict the unpredictable,不過佢show出黎既星好靚,可惜天公不造美,睇唔到星,成班變左窺探長洲居民,仲要凍到teeteee震.......番到房食下野,沖埋個忽冷忽熱既涼,吹下水就訓喇~~潘嫂件睡衣好QQ呀!!!

2nd day:一早就俾人嘈醒哂,一個又凍又濕既日子~~早餐d腸粉好味,唔記得訂油炸鬼,有d遺憾....跟住又上堂喇,今日係去urban度睇land use,都幾休閒下,差唔多全部都一樣,做完仲有時間食雪糕,買生果,買左豆腐花lunch完食,飽哂~~跟住又有discussion,去MMLCroom度做個presentation喇~~做得幾快我地個組人,其間Ms Leung同我講左份paper,佢竟然話我俾以前有進步,essay都幾滿意,係dSQ skills未得,本來可以坐B望A,依家係坐D望C.....都係兩個字---鑽研!!!食完個dinner之後可以落去食野lu~~行左陣都係去番間美味甜品屋度食,脆糖燉蛋&藍莓雪果子好好味~~等埋德哥落黎就玩uno~~好多奇怪既牌,不過照玩~~同字唔同色既cut牌好鬼混亂but好玩,大家都非常投入,輸左既仁兄( ahi, emily, marie&雞皮)就舉行左個簡單而隆重既歡迎儀式俾Ms Leung~~同Ms Leung去長洲醫院等人之後就番房沖涼訓覺lu~~條頸好痕,d床舖好唔乾淨呀,搞到我敏感生哂粒粒,好彩就走......

3rd day:今朝又回到從前,上番cp,部機好鬼慢,不過咁樣時間過得好似快d咁,一轉眼已經食lunch,呀Sam食得真係好慢.........影左好多幅生鬼團體相之後,終於到present時間喇~~我地果然係俾miss challenge架,因為多數野都係作同用番學校既notes,5點幾就離開長洲喇~~番到屋企有好美味既粟米湯飲,沖埋個靚涼,又要迎接番學日喇.....好鬼冇趣......

唔記得左講,今日見到小潘呀( with文駿哥of course)好耐冇見,不過趕住食飯,只係寒暄左幾句,戴左眼鏡,依家諗諗下有d似小雲........(靚版)

唔好意思~~成個幾月先再update.......

今日總算真真正正考完試lu~~朝早狂寫寫到停唔到,中史既訓練果然有效!!!同mum&shan一齊食飯之後,同ahi一齊番去考oral~~英文講得唔係咁好,ms ow話我有個ability去講but太緊張,中文真係等到死,到我o個陣唔夠快手,得番張02年既題目--<<八歲與十八歲>>.........都唔知點講好,仲要第1個就係我,都未準備好......講下講下都冇跟到自己寫既野,一路諗一路講,佢個樣又咁認真......之後既comment係叫我應該講埋人生觀同價值觀有咩唔同,譚海盈話見到我好似有7分,不過滿分都唔知好多......

等埋ahi之後就陪佢去bank入錢,d人多到..........有好多小學雞做survey,不過都冇黎問我地......跟住就行到6點幾,見到件衫幾靚,不過未諗到點襯.....回家途中一直思索........

好期待16-19個field camp呀~~已經諗左要帶d咩,好驚d野食唔夠味同唔夠食.......個個都咁食得(eg. ahi, shan & me...)千忻唔可以同肥ming or sam一張檯,唔係真係唔夠食.....好想快d到~~^^

shan: Lovely complex個網呀~~好似都唔錯~~
http://www.lovecom-movie.com/